Plantun de Prouvènço

Pèr coumpara dos planto d'encò nostre

Gagea pratensis & Typha domingensis

Gagea pratensis

Liliaceae Liliaceae

Nom en français : Gagée des prés.

Descripcioun :
Aquesto estello-jauno trachis dins li blachiero, tepiero e ermas de relarg un pau fres. La planto èi di proun chanjadisso, mai se recounèis majamen à sa fueio basalo primo (de 3 à 7 mm) e loungarudo, si fueio de cambo quàsi óupousado e subretout si pecou de flour queira e sa coulour verdalo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 8 à 30 cm
Fueio : Costo paralèlo
Tipe bioulougico : Geoufite
Cicle bioulougico : Planto renadivo

Gènre : Gagea
Famiho : Liliaceae
Famiho classico : Liliaceae

Ordre : Liliales

Coulour de la flour : Jauno
Petalo : 6
Ø (o loungour) flour : 2,4 à 4 cm
Flourido : Printèms

Sòu : Ca
Autour basso e auto : 100 à 1700 m
Aparado : Noun
Mars à mai

Liò : Blachiero - Tepiero seco - Ermas
Estànci : Mesoumediterran à Mountagnard
Couroulougi : Eurimediterrano-Nord
Ref. sc. : Gagea pratensis (Pers.) Dumort., 1829

Paviho-rousso

Typha domingensis

Typhaceae

Àutri noum : Fielouso, Filouso, Masseto, Cire, Sagno.

Nom en français : Massette australe.

Descripcioun :
Coume tóuti li Typha, la paviho-rousso se recounèis à sis espigo femello e masclo. N'i'a cinq meno de Typha ; aquelo se destrìo, de segur de la coulour de l'espigo femello, rousso, mai peréu de si fueio pas trop largo e en mié-ciéucle en coupo, e tambèn de la loungour de separacioun entre li dos espigo (2 cm). Li fueio an d' auriheto gaire redouno au contro de T. angustifolia (vèire lou dessin).

Usanço :
Li fueio de paviho podon èstre utilisado pèr lou sagnage di cadiero e li flour pèr rempli li matalas. Se saup mens que li brout soun manjadis coume d'espargo. Se pòu faire de farino emé li racino e uno meno de pan emé l'agriero.